Thursday, January 08, 2009

காமரூபக் கதைகளும், சாருவும்

- செல்லமுத்து குப்புசாமி

சில பேர் கிறுக்குத்தனமாக உளறும் போது, "Intellectual masturbation" என்று சொல்லிச் சமாளிப்பார்கள். சாரு நிவேதிதா தனது இணையத் தளத்தில் எழுதிய குட்டிக் கதைகள் masturbation of an intellectual ரகமென்று தொள்ளாயிரம் திருமால் ஊரெல்லாம் சொல்வதாகப் பேச்சு. நாமே பெண்ணின் பெயரில் ஒரு சாட் ஐடி ஒன்றை உருவாக்கி கிளுகிளுப்பாக தொள்ளாயிரம் திருமாலோடு குலாவியிருந்தால் நமது மின்னரட்டை கூட வார்த்தை மாறாமல் அப்படியே ஒரு குட்டிக் கதையாக வந்திருக்குமாம். 'கை மைதுனம்' என்ற வார்த்தையை இணைய வாசகர்களுக்கு அறிமுகப்படுத்திய கண்ணாயிரம் பெருமாள் எனும் சாரு நிவேதிதா எனும் அறிவழகன் இதை மறுக்கலாம். குட்டிக் கதைகளை masturbation என்ற சொல்லால் சிறுமைப்படுத்தக் கூடாது என அவர் கருதலாம். அல்லது தன்னை intellectual என நாம் கருதுவது தவறென வாதிடலாம்.

(Well... தமிழ் நாட்டில் யாரை வேண்டுமானாலும், எதற்காக வேண்டுமானாலும் விமர்சிக்கும் உரிமை சோ, ஞாநி, சாரு நிவேதிதா என்ற மூவருக்கு மட்டுமே உரித்தானதா என்ன?)

சாரு நிவேதிதாவின் 108 குட்டிக் கதைகள் 'காமரூபக் கதைகள்' (அதை நாவல் என்று பேசிக் கொள்கிறார்கள்) என்ற பெயரில் புத்தகமாக வெளிவந்திருக்கிறது. அதையும் சேர்த்து அவர் எழுதிய பத்து நூல்களின் வெளியீட்டு விழா நேற்று 07-ஜனவரி-2009 அன்று நடந்தது.



மாலை 06:00 மணிக்கு என்று குறிப்பிட்டிருந்த நிகழ்ச்சி பங்ச்சுவலாக 06:46 க்கு துவங்கியது. புத்தகங்களை இந்திரா பார்த்தசாரதி வெளியிட்டார்.

சுதேசமித்திரன், எஸ்.ராமகிருஷ்ணன், சிவகாமி, ந.முத்துசாமி, சசிகுமார், அமீர், தமிழச்சி, பிரபஞ்சன், மதன் மற்றும் சாருவின் நண்பர் ஒருவர் நூல்களைப் பெற்றுக் கொண்டனர்.
நூலைப் பெற்றோர் திறனாய்வு செய்து உரையாற்றினார்கள். அமீரும், சசியும் தாங்கள் புத்தகத்தை வாசிக்கவில்லை என்று வெளிப்படையாக ஒப்புக் கொண்டனர். திறனாய்வு செய்ய அவர்கள் அழைக்கப்படவில்லை. மதன் சொன்னது போல, அவர்களால் கூட்டம் கூடியது.

மதுமிதா சொன்ன பாம்புக் கதைகள் - சுதேசமித்திரன்

எஸ்.ராமகிருஷ்ணன் நூலைப் பெற்றுக் கொள்கிறார்.

திசை அறியும் பறவைகள் - ந.முத்துசாமி



ஆஸாதி .. ஆஸாதி .. ஆஸாதி.. - சிவகாமி



எனக்குக் குழந்தைகளைப் பிடிக்காது - சசி



கடவுளும் நானும் - அமீர்



மூடுபனிச் சாலை - தமிழச்சி



காமரூபக் கதைகள் - பிரபஞ்சன்



சினிமா சினிமா - மதன்























இது ஒரு முக்கியமான நிகழ்வு. ஒரு தமிழ் எழுத்தாளர் ஒரே சமயத்தில் பத்துப் புத்தகங்களை வெளியிடுவது அசாதாரண நிகழ்வு.

சாருவுக்கு நமது பாராட்டுக்களும், வாழ்த்துக்களும்!

3 comments:

Anonymous said...

You are correct. Charu is a porno writer.

Chellamuthu Kuppusamy said...

அனானி, மன்னிக்கவும். பொத்தாம் பொதுவாக சாருவை ‘காம எழுத்தாளர்' என முத்திரை குத்துவது சரியெனப் படவில்லை. அந்த அளவுக்கு அவருடைய அத்தனை படைப்புகளையும் நான் வாசித்ததில்லை என்பதே உண்மை.

இந்தப் பதிவில் ஓப்பனிகள் வரிகள் குட்டிக் கதைகளைப் பற்றியது மட்டுமே.

சிங். செயகுமார். said...

:-)