Thursday, November 01, 2012

ஷேர் மார்க்கெட் புத்தகம் The Science of Stock Market Investment

அனைவருக்கும் வணக்கம்.

 பங்குச் சந்தை முதலீடு தொடர்பான எனது இழக்காதே புத்தகம் வெளியாகி கிட்டத் தட்ட ஐந்தரை ஆண்டுகள் ஒடி விட்டன. புத்தகம் எப்படி ஓடியது என்பது விவாதத்துக்குரியது. அள்ள அள்ளப் பணம் மாதிரி ஒரு வசீகரமான தலைப்பை வைத்திருக்கலாம். Anyway இழக்காதே நூலை ஆங்கிலத்தில் வெளியிட வேண்டும் என்ற முயற்சியும், சில நண்பர்களது வேண்டுகோளும் தொடர்ந்தபடியேதான் இருந்தது.

இப்போது அது சாத்தியமாகி  உள்ளது. பல சேர்க்கைகள், மற்றும் கால ஓட்டத்தில் செய்யப்பட வேண்டிய அப்டேட்கள் அனைத்தும் செய்யப்பட்டு, The Science of Stock Market Investment - Practical Guide to Intelligent Investors என்ற தலைப்பில் அமேசான் இணையதளத்தில் ebook ஆக வெளிவந்துள்ளது. அதைப் பகிர்ந்து கொள்வதில் மகிழ்கிறேன்.

ஒரு பதிப்பகத்தின் வாயிலாக இல்லாமல் சுயமாக புத்தகத்தை  வெளியிடுவதில் ஏராளமான  சவால்கள் உள்ளன. அட்டைப்பட வடிவமைப்புக்கு காசு கொடுத்து அதை தயார் செய்வது, சுயமாக மெய்ப்புப் பார்ப்பது, இன்னொருவரை வைத்து எடிட் செய்வது என சகலமும் நாமே செய்தாக வேண்டும். ஒரு வழியாக இது வெளிவந்திருப்பதில் மகிழ்ச்சி. 


இது அச்சுப் புத்தக வடிவில் இல்லாமல் மின் புத்தகமாக வாசிக்க கூடியது. செல்போன் மாதிரி Kindle என்றொரு சிறு உபகரணம் மூலமாக கணக்கில்லாத மின்னூல்களை வாசிக்க இயலும். அச்சுப் புத்தகம் வாசிப்பது போன்ற உணர்வையே அது தரும். பார்ப்பதற்கு புத்தகம் போலவே இருக்கும். ஒரு புத்தக சைசில் பல லைப்ரரிகளை இலகுவாக எடுத்துச் செல்லலாம்.

சொல்லப் போனால் இத்தகைய மின் புத்தகங்களை வாசிப்பதற்கு Kindle உபகரணம் கட்டாயம் தேவை என்றில்லை. Kindle for PC என்ற சாப்ட்வேரை உங்கள் கம்ப்யூட்டரில் இன்ஸ்டால் செய்தாலே போதும். 

அமேசான் இணைய தளத்தில் புத்தகத்தை வாங்கி விட்டு அந்த file ஐ கம்ப்யூட்டரில் டவுன்லோட் செய்துகொண்டு Kindle for PC மூலம் வாசித்துக் கொள்ளலாம். 

2 comments:

perumal karur said...

மிக்க மகிழ்ச்சிங்க சார்.......

இது இன்னும் தமிழர்கள் அல்லாத பலருக்கும் பயனுள்ளதாக இருக்கும்...

தொடர்ந்து இது போன்ற நல்ல பயனுள்ள புத்தகங்களை எழுதவேண்டும் என்று ஒரு வாசகனாக கேட்டுக்கொள்கிறேன்

நன்றி

Anonymous said...


Congrats. I read your tamil book and found to be a great read.